विकास नहीं यो विनाश सै...

 विकास नहीं यो विनाश सै...
..................
दुख अ दुख आडै भरे जगत म्हं,
भोगे  ब्यना  सरै कोन्यां!
ब्यना पहुंच अर ब्यना जुगाड़ के,
असंभव सै उसका सफल होना!! 1
झूठे नारे अर झूठे आदर्श सैं, 

जनता नैं बेवकूफ बणावण लागरे!
म्हनत करणियां नैं फल ना म्यलता,
लूटेर् यां के आडै खूब भाग जागरे!! 2

लूटखसोट का फल म्यल्लै आडै,
पुरुषार्थ करणियां भूखे मरैं सैं!
भगोड्यां  नैं  जो खडे खोद्दे सैं,
किसान  मजदूर उननैं भरैं  सैं!! 3

जिसका लट्ठ आडै उसकी म्हस सै,
ईमानदारां की कती माट्टी प्यटरी !
बेईमान्ने  म्हं  जो  कती  डूबरे,
उनकी ज्यंदगी मजे तैं क्यटरी!! 4

आदर्श अर नार् यां तैं पेट ना भरता,
जमीनी विकास कुछ होणा चाईए!
नेतां का ईसा फंडा होग्या सै,
सबनैं भूखा मारकै खुद मजे तैं खाईए!! 5

अन्याय विरुद्ध जै आवाज उठाई,
कच्छा धोती जेल म्हं सुखैंगे!
जूल्मां नैं ब्यस सहन करे जा,
ये सब म्यलकै देश नैं न्यूएं लूटैंगे!! 6
..........
आचार्य शीलक राम